شيبسى بطعم الجبنة المتبلة بيتى اعملى بيديك
بتقطعى البطاطس شيبسى بطريقتك
وتحمريها عادى اما بالنسبة لطريقة الجبنة المتبلة بتعمليها كالاتى
بنجيب جبنه قديمه اللى بتكون حادقه وكمان جبنه تلاجه ملح قليل او متوسط
بتفضل فى التلاجه من غير شرش ومكشوفه يعنى محطوطه فى طبق بدون غطاء بتنشف
هو ده اللى احنا عاوزينه بالضبط تجيبى الجبنه الكميه اللى تحبيها وتنشفيها
ولما تنشف تقومى طحنها فى المطحنه
وتعبيها فى برطمان مغلق واحفظيها فى التلاجه وكل ما تعملى بطاطس شيبسى رشى شويه عليها ودوقى الطعم
اما نكهه الجبنه المتبله
هتخلطى الجبنه المسحوق مع مسحوق بصل بودرة
وممكن تستخدمى نوع الجبنه المفضل لك بس لازم تنشفيها وتطحنيها الاول
طبعا ده هيريحنا كتير لانك هتعملى كميه تقضيكى فتره
والطريقه سهله اوي وحلوه
